Lou libre daus loubs-garous

Ei mieg de las quatre chariéras,
A miejo nueit in plin hiver
Rasbegit las treis tchanabiéras
Veguet lou diable Lucifer,
Bei sa couà virad’in trompeto.
Soun frount cournard, saus peds fourchuts,
Sa gordjo coupado in serpeto,
Soun naz, soun gamatchou croutchut,
Sous eils beilavoun l’espouvanto,
Auguessaz dit dous tchandialous
Credavo d’uno vouatz’ stounanto,
Quau vaut la pé daus Loubs-garous.

M’escoundet d’arriei la muralho,
Sasit de pauc tout trémoulan ;
Quan de sa vouatz de bassotalho
Credet : « Apreimo te pelau. »
Ei mieg de las quatre tcharieras
Me fais landar treis peir’en l’er
Pueis bambouenet de la predgieiras,
Oun dizio treis cops : Lucifer
Soudis : « ieu ven’a toun appel,
Car Dieu te laisso malurous,
Djuro me de m’estre fidèle,
Séras un de maus Loubs-garous. »
(...)

François Grabié, Lo libre daus lops-garons