Le dernier archiprêtre de Brivezac, curé de Monceaux

Un autre matin, l’archipestre disia sa messa dins son egleisa qu’es assitada, coma sabetz rasis lo fons dal pueg dal Torn. Palhòla, que la i servia, desempuei lo començament dal Credo, auvia un chen corrent que menava en amont un basacle de tots los diables. De segur acorsava quauqua lebre. N’entendiatz mas : Au ! Au ! Au ! Aquò donava a Palhòla fòrça distraccions.

Quand ne’n fugueron al Lavabo, Palhòla poguet pus i tener, e, en boidant l’aiga sus los dets de l’archipestre, de l’er d’un chen que sent lo gibier, i disset en acatant la votz :
— Au, monsur l’archipestre… n’auvetz pas ?
L’archipestre, sens s’escalhar, i respond :
— Si qu’es Turlaud ; la lebre es fotuda.
Tòrna al mieg de l’autar e fai :
— Orate fratres…

Eusèbe Bombal, Lo darrier archipestre d’a Brivasac, curat d’a Monceu

Bonus

  • MP3 - 872.7 ko
    Le dernier archiprêtre de Brivezac, curé de Monceaux lu par Jean-François Vignaud
    Enregistrement
    CC by-nc-nd AVEC en Limousin

Localisation