Boiretou ou l’homme qui avait vendu son âme au diable

Boireton o l’òme qu’avia vendut son arma au diable

Boireton, coma vos io sabetz tots, era marchand de vachas e, coma tots los maquinhons, eu ne trompava pas tots quilhs qu’eu voliá, mas tots quilhs qu’eu podiá : los paisans coma los borgés que se cresen partant ben fins, sos amics, mai sos quites parents. (...)
‘Na vetz, eu faguet engueras mielhs que tot quò : eu aviá achaptat per ren a un de sos vesins, na vacha escoada. Eu la menet a la feira de las Cendres a-z-Alhun, prenguet la coa d’una vacha qu’un bochier veniá de tuar, l’estachet ben proprament a la plaça de l’autra qu’era perduda e despuei, vendet plán char quela bestia entau rapetaçada a mossur Bassinet, borgès daus environs que trovet la faussa coa dins la leitiera de son tech, le lendemán de matin, en anant veire son aquisicion de la velha. Ren ne balha l’eime coma d’aver estat atrapat ; e despuei queu temps, mossur Bassinet, totas la vetz qu’eu anava a la feira, par achaptar dau bestiau d’aumalha, de motons, mai de quites pòrcs, ne mancava jamai de lor tirar la coa par veire si l’era ben solida, avant d’entrar en marchat. (...)

François Vincent, Boiretou ou l’homme qui avait vendu son âme au diable

Localisation